Qatar Airways авиакомпаниясининг Доҳадан Дублинга учаётган самолётида 12 киши жароҳат олди.
Qatar Airways авиакомпаниясининг Доҳадан Дублинга якшанба куни учаётган самолёти Туркия осмонида кучли турбулентликка учраганида 12 киши жароҳат олди.
Бу бир ҳафта ичида кучли турбулентликнинг иккинчи ҳолатидир. Бундан бир неча кун аввал Cингапурга учаётган самолёт йўловчиларидан бири (73 ёшли британиялик) ҳаво чўнтагига қулаши оқибатида ҳалок бўлган, 100 дан ортиқ киши оғир жароҳат олган эди.
Доҳадан Дублинга парвоз чоғида Boeing 787-9 Dreamliner самолётининг олти нафар йўловчиси ва бир хил миқдордаги экипаж аъзолари турли оғирликдаги жароҳатлар олди.