Қозоғистонда айрим жиноятлар учун жиноий жавобгарлик ёшини 14 ёшдан 12 ёшгача қисқартириш керак. Бу ҳақда депутат Магеррам Магеррамов парламент йиғилишида маълум қилди, деб ёзади «Казинформ».
“Бугунги кунда ёшлиги туфайли жиноятчилар жазосиз қолмоқда. Эҳтимол, биз Буюк Британиядан ўрнак олиб, жиноий жавобгарлик бошланадиган ёшнинг чегара қийматини қайта кўриб чиқишимиз керак, баъзи жиноятлар учун жавобгарлик 14 ёшдан эмас, балки 12 ёшдан бошлаб белгиланади, масалан, зўрлаш ҳолатларида", - деди у.
Вояга етмаганларнинг ҳуқуқий тарбияси, мактаб ўқитувчиларининг «ёш авлоднинг бузғунчи хулқ-атворининг барвақт олдини олиш» қобилияти ҳақида гапирар экан, депутат безориликка қарши кураш бўйича махсус кенгаш тузилган Японияни мисол қилиб келтирди. Унинг сўзларига кўра, ушбу кенгаш фаолияти «катталарнинг болалар учун хавфсиз муҳит яратиш учун масъулиятини оширишга қаратилган».
Магеррамов вояга етмаганларнинг профилактикаси ва уларни хабардор қилишнинг алоҳида усули сифатида вояга етмаганларнинг ҳуқуқий тарбиясини кучайтиришни таклиф қилди. Депутат фикрича, ўсмирда криминоген хулқ-атворнинг шаклланишига ахлоқий, ҳуқуқий ва бошқа ижтимоий ҳимоя шаклларининг ягона тизими йўқлиги сабаб бўлмоқда, зўравонликнинг кенг тарқалиши эса безорилик, бандитизм ва жиноий турмуш тарзининг романтиклашувига олиб келмоқда.
Исроил жиддий хатога йўл қўйди
Қозоғистон Россия ва Украина ўртасидаги урушга аралашмоқчи
Россия Курск шаҳарларини қайтариб олди. Украинанинг Россияга ҳужуми барбод бўлдими?
