Давлат тўнтаришини уюштиришига уриниш Қирғизистон мустақиллиги кунида амалга оширилиши режалаштирилган бўлган, дея хабар берди Республикаси Миллий хавфсизлик давлат қўмитаси.
"Жиноий режада 31 август куни бузғунчи фикрли ёшлар ва айрим мухолифат етакчилари иштирокида “спорт ўйинлари” ташкил этиш кўзда тутилган. Иштирокчилар ушбу “мусобақа”да зўравонлик, ўт қўйиш ва ўқотар қуроллардан фойдаланиш билан бирга содир бўладиган оммавий тартибсизликлар уюштиришни режалаштиришган. Шунингдек, давлат тўнтаришини уюштишда гумонланиб қўлга олинган шахслар жиноят олами вакиллари билан учрашувлар ўтказган", — дейилади қўмита томонидан эълон қилинган баёнотда.
Аввалроқ, фуқаролар ўлимига сабаб бўлган оммавий тартибсизликлар уюштириш орқали ҳокимиятни зўравонлик билан эгаллаб олиш ва мамлакатдаги ижтимоий-сиёсий вазиятни издан чиқариш режаларини тузаётган бузғунчи гуруҳ аниқланди — дея хабар берди ҳуқуқ-тартибот идораси. Беш гумондор қўлга олинди, уларнинг барчаси Қирғизистон фуқаролари.
Миллий хавфсизлик давлат қўмитаси бу шахсларнинг жиноий гуруҳларга алоқадорлигини ва “диний ақидапарастлик ғояларини қўллаб-қувватлаётганликларини” даъво қилмоқда. Тинтувлар давомида улар бомбалар учун бутловчи қисмлар, қурол-яроғлар, ўқ-дорилар, зирҳлар, экстремистик адабиётлар топдилар.
Мени Фаластин масаласи ташвишга солаётгани йўқ, лекин менинг халқим хавотирда
Украинада 3000 қозоқ ҳалок бўлди
Саудия Арабистони Ташқи ишлар вазирлиги раҳбари бугун қизиқарли баёнот берди
