Янги Тошкентда Янги Ўзбекистон университети, Миллий кутубхонанинг янги бинолари, театр, ижод мактаблари, савдо ва сервис марказлари жойлашади. Бу ҳақда Президент Шавкат Мирзиёев маълум қилди.
Қайд этилишича, босқичма-босқич давлат идоралари ҳам Янги Тошкентга кўчиб боради.
Уларнинг ҳозирги бинолари ўрнида меҳмонхоналар, хизмат кўрсатиш ва савдо объектлари очилиб, Тошкент замонавий туризм ва бизнес марказига айланади.
