«Шимолий оқим - 2» газ қувури оператори бўлган Швейтсарияда рўйхатдан ўтган Nord Stream 2 AG компанияси Дания Энергетика агентлигидан тегишли рухсат олди. Агентлик қувурда сақлаш ишларини олиб бориш заруратини унинг зарар кўрган қисмларида – А линиясида – ҳали ҳам катта миқдорда табиий газ мавжудлиги билан изоҳлади. Иккинчи линия – Б – диверсия натижасида зарар кўрмаган ва тўлиқ газ билан тўлдирилган.
Режага кўра, «Шимолий оқим - 2» қувурларининг очиқ учларига махсус ёпқичлар ўрнатилади. Бу чоралар газнинг қўшимча сизиб чиқишининг олдини олиш ва қувурни сув билан тўлишдан ҳимоя қилиш учун кўрилади. Шундан сўнг, учлари шағал ва бетон юклар билан ёпилади. Ишлар 2025 йилнинг иккинчи ва учинчи чоракларида амалга оширилиши режалаштирилган бўлиб, уларнинг давомийлиги 2-3 ҳафта бўлиши кутилмоқда.
Эслатиб ўтамиз, 2022 йилнинг сентябрида «Шимолий оқим - 2»нинг икки линиясидан бирида портлаш содир этилган эди. Шунингдек, биринчи «Шимолий оқим» ҳам портлаш натижасида вайрон қилинган бўлиб, у йиллар давомида Россия газини Германияга етказиб берган эди. Шу вақтдан бери немис ОАВлари ўтказган кўплаб суриштирувлар натижаларига кўра, портлаш операциясида олти нафар украин ҳарбий хизматчиси ва бир нечта фуқаро иштирок этгани аниқланган. Аммо операция ҳақида Украина президенти Владимир Зеленский хабардор бўлганми-йўқми, бу ҳали ҳам номаълум.
Озарбайжон самолётига ким ўқ узгани аниқланди
Сингапур “3-жаҳон уруши” ҳақида огоҳлантирди
Қодиров ғойиб бўлди
