Дания дунёдаги энг кучли квант компютерни яратиш режасини эълон қилди. QuNorth дея номланган ушбу ташаббус Microsoft ҳамда Atom Computing (Калифорния) компаниялари ҳамкорлигида амалга оширилади, деб хабар берди Bundle.
Дастурий таъминотга Microsoft масъул — унинг Azure Quantum стекидан фойдаланилади. Аппарат қисмларини эса Atom Computing компанияси етказади, уларда «нейтрал атомлар» асосидаги илғор технология қўлланилган.
Яратиладиган «Магне» тизими тахминан 50 та мантиқий ва 1200 дан зиёд физик кубит билан ишлай олиши кутилмоқда. Бу хусусиятлари билан у шу пайтгача яратилган квант компютерлар орасида «энг мукаммал» деган номга даъво қилиши мумкин.
Шу пайтгача бу икки жиҳатни бир тизимда ҳеч ким жамлай олмаган.
«Магне» компютерини қуриш 2025 йилнинг кузида бошланади ва 2027 йилда фойдаланишга топшириш режалаштирилган. Тизим пойтахт Копенгагенда ўрнатилади ва 100 фоиз Дания мулки ҳисобланади.
Лойиҳа учун Дания экспорт-инвестиция жамғармаси (EIFO) ҳамда Novo Nordisk жамғармаси 80 млн евро ажратди.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
