Дамашқ аэропорти 7 январдан халқаро рейсларни тиклайди

Дамашқ аэропортида халқаро парвозлар 7 январдан тикланади.

Бу ҳақда Сурия фуқаро авиацияси бошқармаси раҳбари Ашҳад ас-Сулайбий маълум қилган.

"2025 йил 7 январдан Дамашқ аэропортида халқаро рейслар бошланганини эълон қиламиз”, деди у.

Шу билан бирга, Ал-Сулайбий аэропорт қайси авиакомпаниялар рейсларни қабул қилишига аниқлик киритмаган.

"Араб ва бошқа хорижий авиакомпанияларни ишонтириб айтаманки, биз ҳамкорларимиз ёрдамида Дамашқ ва Алеппо аэропортларини тўлиқ тиклаш устида ишлаяпмиз”, — дея қўшимча қилди у.

2024 йил охирида Дамашқ аэропорти ички рейсларни қайта тиклади.