Наманган вилояти Поп туманида ичида фуқаролар бўлган "канатний дорога" ишламай тўхтаб қолган. Вилоят ФВБ ахборот хизмати ҳолат юзасидан маълумот берди.
Унга кўра, юқоридаги ҳолатда фуқаролар дор йўлида ҳаракатланаётган вақтида тўхтаб қолган ва канат ишчи ходимлари томонидан қутқарув арқони орқали фуқаролар тушуриб олинган. Поп тумани Чодак дам олиш масканларида фуқароларнинг хавфсизлигини таъминлаш мақсадида Фавқулодда вазиятлар ва ички ишлар бўлимлари билан ҳамкорликда кун-у тун навбатчилик ташкил этилган.
