Чипталарни сунъий равишда савдога чиқармаслик ҳолатларига чора кўрилади

Маҳаллий ва халқаро парвозларни амалга оширувчи йўловчи ташувчи компаниялар рақобатга ёки истеъмолчилар манфаатларига зид ҳаракатларни амалга оширганида, жумладан сунъий равишда чипталарни савдога чиқармаслик ҳолатлари аниқланганда қонунчиликка асосан чора кўрилади. Бу ҳақда Рақобат қўмитаси ахборот хизмати маълум қилди.

Хабарга кўра, маҳаллий қатновларда авиачипталарнинг нархлари "Uzbekistan Airways" АЖ ва "Silk avia" авиакомпаниялари томонидан қайта кўриб чиқилиб, пасайтириш чоралари кўрилмоқда.