Бугун 2 декабрь, 2020 йил, чоршанба

O'ZB

Чилонзорда “Malibu” ичидан ноодатий гиёҳванд воситаси топилди

Чилонзорда “Malibu” ичидан ноодатий гиёҳванд воситаси топилди

Тошкент шаҳар. 2020 йилнинг 12 ноябрь куни соат тахминан 20:30 да Чилонзор тумани бўйича ИИО ФМБ ходимлари Чилонзор тумани 19-мавзеда хизмат олиб бораётган вақтида “Истанбул” дўкони олдида фуқаро 30 ёшли Ойбек Д., бошқарувидаги “Malibu” русумли автомашинада ўзини шубҳали тутганлиги сабабли унинг ёни ва бошқарувидаги автомашинаси холислар иштирокида кўздан кечирилганда, автомашина олд йўловчи ўриндиғида полиэтилен пакет ичида кўк рангли кукунсимон модда ва 5 дона ҳар хил рангли пластмасса найчалар борлиги аниқланиб, тегишли тартибда ҳужжатлаштириб олинган.

Чилонзорда “Malibu” ичидан ноодатий гиёҳванд воситаси топилди

 

Чилонзорда “Malibu” ичидан ноодатий гиёҳванд воситаси топилди

Суд-кимёвий экспертиза хулосасида, фуқаро Ойбек Д.,дан олинган модда таркибида гиёҳванд восита «пирролидиновалерофенон» мавжуд бўлиб, унинг оғирлиги 0,25 граммни ташкил этиши, 5 дона пластмасса найчаларда ҳам “пирролидиновалерофенон» излари борлиги аниқланган.

Мазкур ҳолат юзасидан Чилонзор тумани бўйича ИИО ФМБ 1-сонли ИИБ ТБ томонидан Ойбек Д.,га нисбатан Ўзбекистон Республикаси Жиноят кодексининг 276-моддаси 2-қисми “а” банди (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) билан жиноят иши қўзғатилган.

Жиноят иши бўйича Ойбек Д., гумон қилинувчи тариқасида ишда иштирок этишга жалб қилиниб, ҳимоячи иштирокида сўроқ қилинган.

Ҳозирда тергов ҳаракатлари олиб борилмоқда.

Киритилди: 12:45 21.11.2020. Ўқилди: 1776 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!