Чехия президенти: Прага Киевга дрон уриб тушириши мумкин бўлган самолётлар етказиб беради

Чехия президенти Петр Павелнинг айтишича, Прага яқин вақт ичида Киевга учувчисиз учиш аппаратларига қарши курашиш учун мўлжалланган жанговар самолётларни етказиб беришга тайёр.

"Чехия Республикаси нисбатан қисқа вақт ичида учувчисиз учоқларга қарши курашда жуда самарали бўлган бир нечта ўрта жанговар самолётларни етказиб бериши мумкин," - дея унинг сўзларини келтиради Reuters.

Павелнинг қўшимча қилишича, Чехия Украинага эрта огоҳлантириш тизимлари, жумладан, пассив радарлар ҳам етказиб бериши мумкин.