Чехия полицияси иш ҳаққининг камлигига қарши намойиш ўтказмоқда

Чехия полицияси ходимлари иш ҳақини ошириш талаби билан норозилик намойишини бошлади. Бу ҳақда Чехиянинг Idnes ахборот портали хабар бермоқда.

8 ноябргача давом этадиган норозилик белгиси сифатида минглаб полициячилар фуқаролардан жарима ундирмайди. Хусусан, полиция томонидан жарима солинмайдиган ҳуқуқбузарликлар қаторига автомашинани рухсат этилмаган жойда тўхтатиш, машина ҳаракатланаётганда фараларни ўчириш, мотоциклчиларда дубулғанинг йўқлиги, унутилган ҳужжатлар, аҳоли гавжум жойларда тунги сукунатни бузиш, ва ҳоказо.

Намойишчиларнинг таъкидлашича, маблағ етарли бўлмагани учун полиция ходимлари кескин танқисликка дуч келмоқда. Хусусан, иш ҳақининг пастлиги кўплаб янги ходимларнинг иш кучига қўшилишининг дастлабки бир неча йилида кетишига олиб келади. "Бизнинг маошларимиз масхара", дейди полиция.