Черногория Ўзбекистон ва бошқа мамлакатлар фуқаролари учун визасиз режимни бекор қилди

Бу ҳақда республика ҳукумати матбуот хизмати хабар берди.

Ҳукумат бош вазир Милойко Спаич раислигидаги 98-йиғилишида Арманистон, Ўзбекистон ва Миср фуқаролари учун вақтинчалик визасиз тартиб ўрнатиш тўғрисидаги аввалги қарорларга ўзгартиришлар киритди.

Черногория ҳукумати бу қарорни мамлакат виза сиёсатини ЕИ виза сиёсати билан мувофиқлаштириш ишлари билан изоҳлади. Бу 2024−2027 йилларга мўлжалланган Ислоҳот дастури доирасида Европа Иттифоқига аъзо бўлиш жараёнининг 24-бобидаги якунловчи мезонлардан келиб чиқиб амалга оширилмоқда.