Чад пойтахти Нжамена шаҳридаги президент саройига қуролли жангарилар томонидан ҳужум уюштирилди

Бу ҳақда АFP хабар бермоқда.

Ҳужум “Боко Ҳарам” террорчилик гуруҳи жангарилари томонидан амалга оширилган, ушбу гуруҳ аввалроқ Чад ҳукумати нишонларига ҳужум қилган эди.

"Ҳужумда жами 24 киши иштирок этди, улардан 18 нафари ҳалок бўлди, олтитаси яраланди. Биздан бир киши ўлди, уч нафар одам яраланди", — дея маълум қилди Чад Ташқи ишлар вазири Абдераман Куламалла АFP'га.

Агентлик мухбирларининг хабар беришича, президент қароргоҳига олиб борувчи йўллар тўсилган, кўчаларда танклар пайдо бўлган. Чад президенти Маҳамат Деби ҳужум вақтида саройда бўлган. Маҳаллий ҳокимият маълумотларига кўра, ҳозирда вазият назорат остига олинган.