Буюк Британия ҳукумати Эроннинг Ислом инқилоби қўриқчилари корпусини (ИИҚК, қуролли кучларнинг элит бўлинмаси) тақиқланган ташкилотлар рўйхатига қўшиш учун қонун лойиҳасини ишлаб чиқади.
Бу ҳақда The Times газетаси хабар бермоқда.
Газета хабарига кўра, қонун лойиҳаси 2026 йилда парламентга тақдим этилади. Буюк Британия Ташқи ишлар вазирлиги ва МИ-6 ИИҚКни қора рўйхатга киритишни қўллаб-қувватламаслиги таъкидланмоқда. Улар бундай ҳаракат Лондон ва Теҳрон ўртасидаги "дипломатик каналларни йўқ қилиши" ва Британия дипломатларининг Эрондан чиқариб юборилишига олиб келишидан қўрқишади.
Эслатиб ўтамиз, 29 январь куни Европа Иттифоқи ташқи ишлар вазири Кая Каллас Х ижтимоий тармоқ платформасида Европа Иттифоқи ташқи ишлар вазирлари "ИИҚКни террорчи ташкилот деб белгилаш орқали қатъий қадам қўйганликларини" ёзган эди.
Одилхон қори Юнусхон ўғли суд залида ҳибсга олинди
Аҳолини рўйхатга олиш саволномасини хато тўлдирганларга огоҳлантириш юборилмоқда
Николай Валуев: "Марказий Осиё давлатларига ҳеч қачон таҳдид қилмаганман"
