Буюк Британия Эронга зарба бериш учун ўз базаларини АҚШга тақдим этмайди

The i Paper нашрининг хабар беришича, Лондон Эрондаги кўприклар ва электр станцияларига зарба бериш мақсадида Британия ҳарбий базаларидан фойдаланилишига рухсат бермайди. Мамлакат ҳукумати базаларни фақат "мудофаа" операциялари учун тақдим этишга тайёр, Доналд Трампнинг таҳдидлари эса бу таърифга мос келмайди.

Ҳозирда Лондон ва Вашингтон ўртасида ушбу масалада кескинлик кузатиляпти. Британия томони минтақавий уруш кўламининг кенгайиб кетишидан хавотирда ва ҳужумкор амалиётларда иштирок этишдан тийилмоқда, дейилади нашр хабарида.