Буюк Британия ҳукумати Эрон атрофидаги кескинликларни ҳисобга олган ҳолда Кипрдаги Акротири авиабазасига қўшимча қирувчи самолётларни жойлаштирди.
Бу ҳақда The Times газетаси хабар бермоқда.
Газета хабарига кўра, олтита F-35B қирувчи самолёти 6 февраль куни Англия шарқидаги Марэм авиабазасидан чиқиб кетган ва Яқин Шарқда вазият кескинлашган тақдирда Кипрга жойлаштирилган. Ҳозирда Акротирида Eurofighter Typhoon қирувчи самолётлари ҳам жойлашган.
22 январь куни Буюк Британия Мудофаа вазирлиги маҳаллий ҳокимият илтимосига биноан Қатарга Eurofighter Typhoon қирувчи самолётларини жойлаштиришини эълон қилди.
Аввалроқ The Guardian газетаси мудофаа манбаларига таяниб, Буюк Британия Эронга мумкин бўлган зарба бўлган тақдирда АҚШга ёрдам бериши эҳтимолдан йироқ эканлигини хабар қилган эди. Бироқ, газета Буюк Британия ҳаво кучлари Яқин Шарқдаги иттифоқчиларини ҳимоя қилиш учун Эроннинг жавоб зарбасини қайтаришда иштирок этиши мумкинлигини таъкидлаган эди.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
