Буюк Британия АҚШ ва Эрон ўртасидаги "самарали" музокаралар ҳақидаги хабарларни олқишлайди

Буюк Британия АҚШ ва Эрон ўртасидаги "самарали" музокаралар ҳақидаги хабарларни олқишлайди.

Бу ҳақда Sky News Буюк Британия Бош вазирининг матбуот хизматига таяниб хабар берди.

"Самарали музокаралар ҳақидаги ҳар қандай хабарлар мамнуният билан қабул қилинади. Биз ҳар доим можарога тезда чек қўйиш глобал манфаатларга мос келишини ва хусусан, Ҳормуз бўғози кемалар учун қайта очилиши кераклигини айтганмиз", деди матбуот хизмати.

Аввалроқ АҚШ президенти Дональд Трамп Вашингтон Яқин Шарқдаги можарони "тўлиқ ҳал қилиш" бўйича Эрон билан "жуда яхши" музокаралар олиб борганини айтган эди. Эрон ўз навбатида Теҳрон Вашингтон билан ҳеч қандай тўғридан-тўғри алоқа ўрнатмаганини даъво қилмоқда.