Бухорода тунги клуб раҳбари қўлга олинди

Бухоро шаҳрида муқаддам безорилик учун судланган тунги клуб раҳбари аёл-қизларни фоҳишаликка мажбурлаганликда гумонланмоқда.

Маълумотларга кўра, у Instagram орқали ишсиз ва ижтимоий ҳимояга муҳтож аёлларни юқори маош ва раққосалик ваъдаси билан Бухорога олиб келган. Кейин уларнинг эркинлигини чеклаб, руҳий ва жисмоний босим орқали мижозлар билан жинсий алоқага мажбурлаган.

Ҳозирда унга нисбатан жиноят иши қўзғатилиб, қамоқ эҳтиёт чораси қўлланилган.