Ижтимоий тармоқларда Бухоро шаҳридаги 34-умумтаълим мактабида 4-синф ўқувчиларидан бирининг отаси синф хонасига кириб, болаларни калтаклагани ва бу ҳолатга синф раҳбар томошабин бўлиб қараб турганлиги акс этган видеолавҳа тарқалди.
Вилоят ММТБ ушбу ҳолат бўйича қўйидагиларни маълум қилади: видеолавҳада акс этган ҳолат жорий йилнинг 30- апрель куни 4-Б-синфида содир бўлган. Шу куни синф ўқувчилари кўчада ўзаро жанжаллашиб қолишади ва болалардан бири ўртоғининг отасига қўнғироқ қилиб, унинг ўғлини уришганини айтади. Ота ( Б.Ш.) шу заҳоти синф хонасига келиб, ўғлини урган болаларни бошқаларнинг олдида калтаклаб кетади.
Мактаб раҳбарияти томонидан отанинг ноқонуний ҳатти-ҳаракати бўйича тегишли ҳуқуқ-тартибот идораларига расмий мурожаат қилинган. Шу билан бирга бегона шахсни мактабга бемалол киришига йўл қўйган мактаб қоровули Ш.А билан тузилган меҳнат шартномаси бекор қилинган.
Ўз хизмат вазифасига нисбатан масъулиятсизлик билан ёндашган ҳамда юзага келган ҳолатни назоратсиз қолдирган мактаб директори билан тузилган меҳнат шартномаси бекор қилинди.
Синф раҳбари ва мактаб директорининг тегишли ўринбосарлари фаолиятини ўрганиш мақсадида айни пайтда хизмат текшируви амалга оширилмоқда. Текширув натижалари юзасидан қўшимча маълумот берилади.
Исроил Эрон билан уруш тугаганини расман эълон қилди
Эрон Исроилни мағлубиятга учратганини маълум қилди
Эрон ядро обектларидаги эҳтимолий ҳалокатнинг Ўзбекистонга ҳам таъсири бор!
