"Ўзэнергоинспекция" Бухоро вилоят ҳудудий бошқармаси ва газ таъминоти корхонаси ҳамкорлигида ўтказилган назорат тадбирида Шофиркон туманида якка тартибдаги тадбиркор Ҳ. К. га қарашли бинода яширин тармоқ тортиб, табиий газдан ноқонуний фойдаланиб келиш ҳолати аниқланди.
Ушбу қоидабузарлик натижасида, газ таъминоти корхонасининг дастлабки ҳисоб-китобларига кўра, 630,7 миллион сўмлик зарар етказилганлиги маълум бўлди.
Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.