Бундестаг Шольцга ишонишдан бош тортди

Бундестаг навбатдан ташқари йиғилишда Германия канцлери Олаф Шольцга ишонишдан бош тортди ва шу билан Германияда муддатидан олдин парламент сайловларига йўл очди.

Йиғилган 717 депутатдан 207 нафари Вазирлар Маҳкамасининг амалдаги раҳбарини қўллаб-қувватлаган, 116 нафари бетараф қолган.

Қайд этилишича, 394 нафар парламентарий Шольц томонидан юборилган ишонч сўровига қарши овоз берган. Бундестаг президенти Барбел Бас сайлов натижалари ҳақида мамлакат президенти Франк-Валтер Штайнмайерга хабар беришини айтди.