Булғор қалампири кекса одамларга атеросклероз, подагра, қандли диабет ва гипертония касалликларининг олдини олишда ёрдам беради.
Бу ҳада диетолог Михаил Гинзбург маълумот берди, деб хабар беради iz.ru.
Диетологнинг таъкидлашича, булғор қалампирида каротиноидлар, озуқа толаси ва турли минераллар, жумладан калий ва магний мавжуд. Улар, ўз навбатида, юрак-қон томир касалликларининг олдини олишда фойдалидир. Каротеноидлар ҳам антиоксидант вазифасини бажаради.
Гинзбургнинг қўшимча қилишича, қандли диабетга чалинганлар рационида булғор қалампири ҳам бўлиши керак, чунки сабзавот таркибидаги толалар шакарнинг сўрилишини секинлаштиради.
