Брюссел Вашингтонни огоҳлантирди: Биринчи зарба 15 апрелда!

Агар музокараларда силжиш бўлмаса, Евроиттифоқ АҚШга қарши биринчи жавоб божларини 15 апрелда, кейингиларини эса 15 майда жорий қилади — Еврокомиссия раҳбари.

Урсула фон дер Ляеннинг маълум қилишича, Брюссел музокара позицияси сифатида Трампга саноат маҳсулотларига ўзаро нол қийматдаги божлар ўрнатишни таклиф қилмоқчи.

"Биз Қўшма Штатлар билан музокараларга тайёрмиз. Вашингтонгга саноат маҳсулотларига нол қийматли тарифларни таклиф қилганмиз, биз бунга аллақачон кўплаб савдо ҳамкорларимиз билан эришганмиз, чунки Европа ҳар доим яхши битимга тайёр", — деди Европа Комиссияси раҳбари.