Европа Иттифоқи Америка товарларига олдиндан режалаштирилган жавоб божларини уч ойга тўхтатиб туришга қарор қилди. Бу қарор АҚШ президенти Доналд Трамп ўз тарифларини худди шундай муддатга кечиктиргандан сўнг қабул қилинди.
Бу ҳақда Yieh.com сайти хабар бермоқда.
Европа комиссияси раиси Урсула фон дер Ляен айтишича, Брюссел музокараларга имконият беришни ва мулоқотга тайёрлигини кўрсатишни истаяпти.
Евроиттифоқнинг бу қарори АҚШдан келтирилган маҳсулотларга юқори тарифлар тасдиқлангандан бир кун ўтиб қабул қилинди. Бу Вашингтоннинг пўлат ва алюминийга илгари жорий этган божларига жавобан кўрилган чора эди.
Фон дер Ляен таъкидлашича, Евроиттифоқ ўз позициясидан воз кечмаяпти: агар музокаралар мақбул натижаларга олиб келмаса, жавоб чоралари қайта тикланади.
Шу билан бирга, пўлат, алюминий ва автомобиллар экспортига 25 фоиз, бошқа турдаги товарларга эса камида 10 фоиз миқдоридаги АҚШ божлари ўз кучида қолмоқда.
Рубл дунёнинг барча валюталарини ортда қолдирди
Тож Маҳал бугунги кунда қурилганда у қанчага тушарди?
АҚШ Украинани бутунлай тарк этмоқда
