Британияда COVIDнинг янги штамми Stratus тарқалмоқда

The Independent нашри ёзишича, Буюк Британияда COVID-19'нинг янги штамми — Stratus кенг тарқалмоқда. Унинг бошқа штаммлардан фарқли томони — ўзига хос белгиси — овознинг хусусан, хириллаши ва қаттиқ чиқиши билан намоён бўлади.

Британия Соғлиқни сақлаш хавфсизлиги агентлиги (UKHSA) маълумотларига кўра, Stratus вирусининг икки варианти — XFG ва XFG.3 — мавжуд. Айни пайтда Англияда аниқланаётган касалликларнинг тахминан 30 фоизи шу иккала вариант ҳиссасига тўғри келади.

UKHSA эпидемиологи доктор Алекс Аллен таъкидлаганидек:

«Ҳозирча мавжуд маълумотларга кўра, XFG ва XFG.3 вариантлари аввалги штаммларга қараганда оғирроқ касалликни келтириб чиқараётганига далил йўқ».

Бу штамм юқумлилиги юқори бўлиши мумкин, аммо касаллик одатда енгил ёки ўрта даражада кечади.

Жаҳон соғлиқни сақлаш ташкилоти (ЖССТ) маълум қилишича, 22 июн ҳолатига кўра, дунёда COVID-19 ҳолатларининг **22,7%**и aynan Stratus штаммига тўғри келган. ЖССТ бу вариантни “кузатувдаги штаммлар” рўйхатига киритган ва ҳозирча жаҳон соғлиғи учун катта хавф туғдирмаётганини билдирган.