Вячеслав Володин саммитда муҳим қарорлар қабул қилинаётганини, унинг иштирокчилари доираси эса БРИКСнинг глобал миқёсдаги нуфузидан далолат беришини қайд этди.
Айни пайтда Қозонда ўтаётган БРИCС саммити Брюссел ва Вашингтоннинг Россияни изоляция қилиш режаси барбод бўлганини кўрсатди, деди Россия Давлат Думаси раиси Вячеслав Володин ўзининг Телеграм-каналида.
«БРИКС саммитида иштирок этиш учун Қозонга 36 давлатдан [вакиллар] келди. Йигирма иккита делегация энг юқори даражада тақдим этилди. Россия магнитга айланди. <...> Вашингтон ва Брюсселнинг Россияни изоляция қилиш режаси барбод бўлди». - деди Дума спикери.
Унинг таъкидлашича, саммитда муҳим қарорлар қабул қилинмоқда, айни пайтда унинг иштирокчилари доираси БРИКСнинг глобал саҳнадаги нуфузидан далолат беради.
Саммитнинг юксак савияда ўтганини глобал тинчлик ва барқарорликни сақлашда муҳим роль ўйнайдиган БМТ Бош котиби Антониу Гутерриш иштирок этгани тасдиқлайди.
Володин, шунингдек, БРИКС мамлакатлари иқтисодлари жадал ва барқарор ривожланаётганига, уларнинг глобал ялпи ички маҳсулотдаги харид паритет улуши Г7 мамлакатлари иқтисодиётидан ошиб кетишига эътибор қаратди.
Бундан ташқари, БРИКС мамлакатлари парламентлараро ҳамкорликни ривожлантирмоқда, ҳамкорликнинг ушбу форматини кенгайтирмоқда. Буларнинг барчаси мамлакатлар ўзаро ҳурмат ва суверен тенгликка асосланган кўп қутбли ва адолатли дунёда яшашни хоҳлаётганидан далолат беради, дея хулоса қилди Россия Думаси спикери.
