Бразилия президенти Луис Инасио Лула да Силва ўз мамлакати терма жамоасининг 2026 йилги Жаҳон чемпионатидаги ғалабасига шубҳа қилмаётганини билдирди.
«Мен ушбу кубокни қўлга киритишимизга тўлиқ ишонаман. Мен Карло Анчелотти билан гаплашдим ва унинг жуда жиддий, вазмин ва ақлли инсон эканлигини кўрдим. У фақат 100 фоиз жисмоний ҳолатда бўлган футболчилар майдонга тушишига амин. Анчелотти ҳеч кимни фақат номи (машҳурлиги) учун жамоага чақирмайди — фақат ўйнаётган, машқ қилаётган ва тайёр бўлганлар имкониятга эга бўлади.
Қачонки мураббий шундай жиддий ёндашса, футболчилар ҳам ўз зиммаларида қандай масъулият борлигини англаб етадилар», — деди давлат раҳбари Бразилиядаги Жаҳон кубоги турнеси (Trophy Tour) доирасидаги тадбирда.
Эслатиб ўтамиз, италиялик мутахассис Карло Анчелотти 2025 йилнинг май ойида «Реал Мадрид»ни тарк этиб, Бразилия терма жамоаси бошқарувини қўлга олган эди. Айни дамда «селесао» турнир жадвалида ўз ўрнини тиклаб, 2026 йилги мундиалнинг асосий фаворитларидан бири бўлиб турибди.
Гвардиола нега Ҳусанов "Ньюкасл"га қарши ўйин танаффусида майдонга туширилганини изоҳлади
Роналду энди АПЛ клубини сотиб олмоқчи
Мбаппега пас бермаслик қимматга тушдими? «Реал» ёш юлдузи захирага «михланди»
