Братиславада бир неча минг киши Фицога қарши намойишга чиқди

Братиславада бир неча минг киши Фицога қарши намойишга чиқди.

Намойишчилар Словакия бош вазири Роберт Фицонинг Украина уруши билан боғлиқ сиёсати ва бошқа ҳаракатлари борасидаги норозиликларини ифода этдилар. Намойишчилар орасида "Биз рус латтаси эмасмиз" ва "Фицо, Москвага кет" каби шиорлар янгради.

Намойишдан бир кун аввал Фицо Словакияда украиналик қочқинларга ёрдамни қисқартиришга тайёр эканлигини билдирган эди. Бу Украина Россия гази транзитини тўхтатиши фонида юз берди. Фицо буни Киев томонидан қилинган “саботаж” деб атади. “Газпром” 1 январдан бошлаб Украина орқали газ етказиб беришни тўлиқ тўхтатди, чунки “Нафтогаз Украина” билан тузилган беш йиллик транзит шартномаси муддати тугаган.