Тошкент вилояти Экология, атроф-муҳитни муҳофаза қилиш ва иқлим ўзгариши вазирлиги инспекторлари томонидан Бўстонлиқ тумани Бурчмулла давлат ўрмон хўжалиги Писком бўлимининг Қоронғи Тўқай ҳудудида навбатдаги рейд тадбири ўтказди.
Мазкур тадбирда 1989 йил Бўстонлиқ туманида туғилган фуқаро Т.Б. томонидан ҳеч қандай рухсатномасиз ўзига тегишли бўлган ов қуроли ёрдамида 1 бош тоғ эчкисини овлаганлиги аниқланди.
Ҳуқуқбузар бу хатти-ҳаракати билан “Ҳайвонот дунёсини муҳофаза қилиш ва ундан фойдаланиш тўғрисида”ги Ўзбекистон Республикаси Қонуннинг тегишли моддалари талабларини бузган. Унинг бу қилмиши орқали тахминан 16 миллион 875 минг сўм миқдорида зарар етказгани маълум бўлди.
Ушбу ҳолат юзасидан қонунбузарга нисбатан амалдаги тартиб асосида маъмурий баённома расмийлаштирилди ва тегишли ҳужжатлар расмийлаштирилиб суд органларига юборилди.
Ҳаво ҳарорати аста-секин кўтарилиши кутилмоқда
АҚШ доллари кўтарилишда давом этмоқда
Расман! Ўзбекистонликлар Янги йилда неча кун дам олиши маълум бўлди
