Болгария президенти истеъфога чиқиш тўғрисида Конституциявий судга ариза берди

Болгария президенти Румен Радев мамлакат Конституциявий судига истеъфога чиқиш тўғрисида ариза топширди.

Бу ҳақда Болгария Миллий телевидениеси хабар берди.

Конституцияда судьялар қарор чиқариши керак бўлган муддат белгиланмаган.

Радев ўз лавозимини 2017 йил 22 январдан бери эгаллаб келмоқда.

Бир кун олдин у муддатидан олдин парламент сайловларида иштирок этиш режасини эълон қилди. Уларни ўтказиш тўғрисидаги қарор 16 январь куни "Ҳуқуқ ва эркинликлар учун иттифоқ" коалицияси Болгария президентига ҳукумат тузиш ваколатини қайтарганидан кейин қабул қилинди.