Boeing авиакомпанияси 2018—2019 йилларда иккита 737 МАХ самолётларининг ҳалокатидан кейин кечиктирилган жиноий иш бўйича келишувни бузганлик учун фирибгарликда айбдор эканини тан олди. Бу ҳақда Reuters хабар берди.
Гап Boeing 737 МАХ самолётларининг Индонезия ва Эфиопияда ҳалокатга учрагани ҳақида кетмоқда. Биринчиси 2018 йил октябр ойида юз берган: Индонезиянинг Lion air самолёти Ява денгизига қулаб тушган ва 189 киши ҳалок бўлган. 2019 йилнинг март ойида Эфиопия ҳаво йўллари самолёти қулаб, 157 киши ҳалок бўлган эди. Иккала ҳолатда ҳам учувчилар парвозни бошқариш билан боғлиқ муаммолар ҳақида хабар берган. Қурбонларнинг оила аъзолари воқеа учун жавобгарликни Boeing компанияси зиммасига қўйишни талаб қилмоқда.
Boeing 243,6 миллион доллар миқдорида иккинчи марта жаримага тортилади. Компания, шунингдек, самолётларидаги дастурий ва хавфсизлик тизимларини яхшилаш учун 455 миллион доллар сармоя киритиш мажбуриятини олади.
Эрон ўраб олинмоқда
Эрталабдан Исроилга юзлаб ракеталар ташланди
Канада: Ҳиндистон «даҳшатли хато» қилди
