БМТ Туркиянинг Россия ва Украина ўртасида музокаралар ташкил этиш ташаббусини олқишлайди

Бу ҳақда БМТ бош котибининг расмий вакили Стефан Дюжаррик “Анадолу” агентлигига берган интервюсида маълум қилди .

"Биз Туркиянинг можарога барҳам беришга қаратилган саъй-ҳаракатлардаги ролини доимо юқори баҳолаймиз. Бизнинг позициямиз ўзгаришсиз қолмоқда - биз можарони БМТ резолюциялари ва халқаро ҳуқуқ нормалари асосида ҳал этиш тарафдоримиз ва бу мақсадга эришишга қаратилган барча саъй-ҳаракатларни қўллаб-қувватлашда давом этамиз", - дея таъкидлади у.

Унинг сўзларига кўра, бўлажак учрашув тафсилотлари аниқлангач, батафсилроқ маълумот берилади.