БМТнинг Инсон ҳуқуқлари бўйича бошқармаси Исроилдан Ғазодаги касалхонага қилинган авиаҳужумни текшириш ва бу тергов ҳақиқий натижалар бериши лозимлигини таъкидлади.
Женевадаги матбуот анжуманида БМТ бошқармаси вакили Тамим Ал-Хийтан шундай деди:
“Адолат бўлиши шарт. Ғазо урушида журналистлар кўп ҳалок бўлаётгани улар махсус нишонга олинаётгани ҳақида жиддий саволларни туғдирмоқда”.
Маълумотларга кўра, душанба куни Исроил армиясининг Хон-Юнус шаҳридаги “Наср” касалхонасига қилган ҳужумида камида 20 киши, шу жумладан беш журналист ҳалок бўлди. Бу воқеа халқаро миқёсда кескин норозиликларга сабаб бўлди.
Reuters, Associated Press ва Al Jazeera агентликлари ўз мухбирларини йўқотгани муносабати билан мотам баёнотлари чиқарди. Исроил ҳарбийлари эса воқеани тергов қилишини билдирди.
Ал-Хийтан таъкидлашича, Исроил ўтмишда ҳам бундай ҳолатлар бўйича тергов бошлаганини айтган, аммо натижалар ва жавобгарлик чоралари амалга ошмаган:
“Бу босқинчи давлат сифатида Исроилнинг масъулиятидир. Терговлар ўз самарасини бериши лозим. Биз ҳалигача аниқ натижаларни кўрмадик”, — деди у.
БМТ маълумотларига кўра, 2023 йил 7 октябрдан буён Ғазода камида 247 нафар фаластинлик журналист ҳалок бўлган.
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
Ҳиндистон ташқи ишлар вазири Ғарбни "агар ёқмаса" нефтни сотиб олмасликка чақирди
