Бирлашган Миллатлар Ташкилотининг Украинадаги ҳуқуқбузарликларни тергов қилиш комиссияси ҳисоботида қайд этилишича, украиналик ҳарбий асирлар ва Россия томонидан босиб олинган ҳудудларда қамоққа олинган тинч аҳоли тайинланган “ҳокимият вакиллари”нинг розилиги билан мунтазам равишда қийноққа солинган. Янги далиллар экспертларнинг қийноқлар, айниқса қамоқхоналардаги куч ишлатишлар кенг тарқалганлиги ҳақидаги хулосаларини тасдиқлайди, шунингдек, қийноқларга Россия Федерациясининг "маълум бир хизматлар ходимлари" жалб қилинганлигини кўрсатади.
БМТ экспертларининг фикрича, "асосан эркакларга нисбатан" жинсий зўравонлик Украинанинг босиб олинган ҳудудларидаги деярли барча қамоқхоналарда қўлланиладиган қийноқ усулларидан бирига айланган. "Қийноқларни қўллаш бўйича буйруқлар Россия ҳукуматининг юқори мартабали вакиллари томонидан берилган, улар содир бўлаётган воқеаларни маъқуллаган ёки унга аралашишни зарур деб ҳисобламаган", дея таъкидланади комиссия ҳисоботида.
"Босиб олинган ҳудудларда аҳолини “руслаштиришга” қарши чиққан тинч аҳоли қийноқларга дучор бўлмоқда. Бу эса уруш вақтида инсонпарвар муносабатда бўлиш тўғрисидаги Женева конвенцияларига зиддир", — дея қайд этади БМТ экспертлари.
«Қиёмат музлиги» кутилганидан тезроқ хавф сола бошлади
Россия ўз дўстини ёрдамсиз ташлаб қўймоқчи эмас
Чеченлар «қалбида Худо бўлмаган корейслар билан алоқада бўлмайди»
