Ҳужжатни 187 давлат қўллаб-қувватлади, АҚШ ва Исроил қарши овоз берди, Молдова бетараф қолди.
Куба ташқи ишлар вазири Бруно Родригес яқинда содир бўлган кенг миқёсли электр токининг ўчирилишида Америка санкцияларини айблади. Родригес мамлакат ўзининг «мустақил, социалистик келажак қуриш ҳуқуқини» ҳимоя қилишини айтди ва АҚШнинг бўлажак президенти Куба тараққиётини қўллаб-қувватлаш ёки «ғайриинсоний блокада чораларини» давом эттириш ҳақида қарор қабул қилиш имкониятига эга бўлишини таъкидлади.
АҚШ элчиси ўринбосари Пол Фолмсбининг таъкидлашича, санкциялар оролдаги минглаб сиёсий маҳбусларга ишора қилиб, «Кубада демократияни ривожлантириш ва инсон ҳуқуқлари ва асосий эркинликларига ҳурматни рағбатлантириш»га қаратилган. Фолмсби, шунингдек, санкциялар озиқ-овқат, дори-дармон ва бошқа зарурий товарларга тааллуқли эмаслигини эслатди.
Бош Ассамблея резолюциялари мажбурий эмас; халқаро ҳамжамият 1992 йилдан бери Кубага қарши санкцияларни бекор қилишни талаб қилмоқда.
Америка Қўшма Штатлари 1960 йилда Фидел Кастро инқилобининг ғалабасидан кейин оролдаги Америка мулкининг миллийлаштирилишига жавобан Кубага эмбарго қўйди. 2016 йилда Қўшма Штатлар ва Куба расман муносабатларни тиклади – шу билан бирга, Қўшма Штатлар биринчи марта эмбаргони бекор қилиш бўйича резолюция учун овоз беришда бетараф қолди. Бироқ, 2017 йилда АҚШ президенти бўлган Доналд Трамп Кубадаги инсон ҳуқуқлари билан боғлиқ вазиятни танқид қилди - ва АҚШ яна БМТ Бош Ассамблеяси резолюциясига қарши овоз беришни бошлади.
Санкциялар даврида озиқ-овқат тақчиллиги ва инфляциядан норози бўлган юз минглаб кубаликлар, жумладан, АҚШга кўчиб кетишган.
Алишер Усмонов номзодини 103та давлат қўллаб-қувватлади
Президентдан “дух” олган Омонбоевага суд ҳукми ўқилди
Шимолий Корея аскарлари Курскда: биринчи қон
