"Сешанба куни европалик расмийлар тинчлик келишуви доирасида Украинага Буюк Британия ва Франция қўшинларини юбориш режасини муҳокама қилишди, шу жумладан, ҳарбий контингент сони ва уларни г жойлашуви ҳақида ҳам фикр алмашишди", деб хабар берди агентлик.
Франция президенти Эммануэл Макрон Вашингтондаги саммитдан сўнг Европа қуролли кучлари Украинадаги уруш ҳаракатлари тугагач, тинчликпарварлик операцияларида иштирок этиши кераклигини айтган эди. Россия томони эса Ғарб қўшинларини Украина ҳудудида жойлаштириш ғоясини изчил равишда рад этиб келмоқда.
Аввалроқ Оқ уй матбуот котиби Кэролайн Ливитт Вашингтон Украинага хавфсизлик кафолатлари доирасида ҳаво орқали ёрдам кўрсатиш имкониятини кўриб чиқаётганини билдирганди. Унинг сўзларига кўра, Доналд Трамп хавфсизлик кафолатлари "мустаҳкам тинчликни таъминлашда ҳал қилувчи аҳамиятга эга" эканини яхши тушунади.
Доналд Трамп АҚШ қўшинларини Украинага юбориш имкониятини истисно қилган бўлса-да, Вашингтон ҳамкорликка ёрдам бериши ва эҳтимол бошқа хавфсизлик чораларини тақдим этиши мумкин.
Bloomberg'нинг қайд этишича, Украина учун хавфсизлик кафолатлари пакети режаси шу ҳафтадаёқ тайёр бўлиши кутилмоқда. Европа раҳбарлари эса Путин ва Зеленскийнинг эҳтимолий учрашуви олдидан Киевнинг позициясини мустаҳкамлашга интилишмоқда.
Хитойликлар аёл ўрнини боса оладиган робот ихтиро қилди
АҚШ Россияга қурол-яроғ бўйича келишувни музокаралар учун "рағбат" сифатида таклиф этиши мумкин
Алла Пугачёва Россия фуқаролигидан воз кечмоқчи
