Президент ҳузуридаги статистика агентлиги маълумотларига кўра, 2024 йилнинг март ойида истеъмол нархларининг ўсиши 0,67%ни ташкил этди.
Йил бошидан буён нархлар ўртача 1,65%га ошди – таққослаш учун, ўтган йилларда ўсиш 2%дан пастга тушмаган.
Йиллик инфляция март ойи охирида 7,98%ни ташкил этиб, февралдаги даражадан 0,37%га кам бўлди.
Озиқ-овқат сегментида ойлик нархларнинг ўсиши 0,8%гача тезлашди, йиллик инфляция эса 7,8%гача пасайди.
Март ойида энг кўп ўсган нархлар:
сабзавот ва полиз маҳсулотлари яна (+4%) кўтарилди. Хусусан, булғор қалампири деярли тўртдан бирига, карам эса 8%га қимматлашди.
Бошқа томондан айрим маҳсулотлар нархи арзонлашди:
ёғ-мой маҳсулотлари (-0,7%) ва гўшт (-0,2%) нархлари пасайди. Ой давомида кунгабоқар ёғи 1,1%га, банан 4,6%га, апельсин 5%га қимматлашди.
Йиллик ҳисобда энг кўп ошган маҳсулотлар мева ва ёнғоқлар (+34,4%), сут (+9,4%) ва дон маҳсулотлари (+8,2%) бўлди. Ёғлар (-10,5%) ва сабзавотлар (-8,2%) арзонлашди, пиёз нархи эса ўтган йилги рекордлардан кейин 2,5 баравар пасайди.