"Бэтмен" 65 ёшида вафот этди

Бэтмен ва Жим Моррисон ролларини ижро этган америкалик актёр Вэл Килмер 65 ёшида вафот этди, деб хабар беради The New York Times.

У сешанба куни Лос-Анжелесда вафот этди. Сабаби пневмония бўлди, деди унинг қизи Мерседес Килмер. Актёрга 2014 йилда томоқ саратони ташхиси қўйилган.

Вэл Килмер «Бэтмен абадий» (1995) фильмида бош рол (Бэтмен)ни ижро этган. Шунингдек, «Зулмат заволи» (1996), «Ёруғ олам» (1999), «Тўқнашув» (1995) ва бошқа кўплаб фильмлардаги роллари билан танилган.