Бельгиянинг нуфузли Eureporter ва Eureflect нашрларида эълон қилинган мақолада қайд этилишича, Тошкентда элчихона очилиши икки давлат муносабатларидаги муҳим воқеа бўлиб, Ўзбекистоннинг Марказий Осиёдаги стратегик аҳамияти ортиб бораётганидан далолат беради.
Нашр муаллифларининг таъкидлашича, сўнгги ўн йилликда Ўзбекистон ва Бельгия ўртасидаги дипломатик ҳамда иқтисодий алоқалар сезиларли даражада мустаҳкамланган. Президент Шавкат Мирзиёев томонидан амалга оширилаётган очиқ ташқи сиёсат ва Европа билан интеграция жараёнлари Ўзбекистонни Европа давлатлари учун муҳим стратегик ҳамкорга айлантирган.
Мақолада 2025 йилда Президент Мирзиёевнинг Брюсселга ташрифи ва Бельгия Қироли Филипп билан учрашуви икки томонлама муносабатларнинг ривожланишида муҳим босқич бўлгани қайд этилган.
Шунингдек, икки давлат ўртасидаги савдо ҳажми сўнгги йилларда сезиларли ошган. Хусусан, 2020 йилда 70 миллион доллар бўлган ўзаро савдо айланмаси 2024 йилга келиб 212,7 миллион долларга етган.
Бельгия компаниялари Ўзбекистоннинг тўқимачилик, саноат, логистика, фармацевтика ва IT соҳаларидаги лойиҳаларда фаол иштирок этмоқда. Яшил энергетика ва барқарор технологиялар йўналишидаги ҳамкорлик ҳам кенгайиб бормоқда.
Мақола хулосасида Бельгиянинг Тошкентда элчихона очиши дипломатик қарордан кўра кенгроқ аҳамиятга эга экани, бу қадам Ўзбекистоннинг Европа ва Осиё ўртасидаги муҳим иқтисодий ва транспорт кўприги сифатидаги ўрнини янада мустаҳкамлашга хизмат қилиши таъкидланган.
Ўзбекистонда янги кўл пайдо бўлди
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
Россия Молия вазирлиги ва Марказий банк Путинни огоҳлантирди
