Европаликларнинг Беларусь билан зиддияти натижасида навбатдаги жаҳон уруши келиб чиқиши мумкин.
Беларусь президенти Александр Лукашенконинг “Sky News Arabia” ахборот манбасига берган интервьюсида шундай дейилган.
“Европаликлар бизга, Россияга ва ҳатто Хитойга гибрид урушини олиб боришни мўлжаллаш билан нафақат кескин зиддият ўчоғини яратмоқда, балки навбатдаги урушга ундамоқда”, деди Лукашенко.
“РИА Новости” хабарига кўра, Лукашенко “европаликлар” деганда халқларни эмас, нооқилона сиёсат юритувчи сиёсатчиларни назарда тутаётганини қўшимча қилган.