Туркия Энергетика вазирлиги вакиллари Суриянинг электр инфратузилмасини баҳолади. Уни қайта тиклаш учун сармоя керак, бунда халқаро ҳамжамият ёрдам бериши керак.
Бу ҳақда Туркия энергетика ва табиий ресурслар вазири Алпарслон Байрактар маълум қилди.
"Ўтган ҳафтада Сурияга борган вазирлик делегацияси мамлакатнинг энергетика инфратузилмаси унчалик яхши эмаслиги ва уни қайта тиклаш учун халқаро ҳамжамият ёрдам бериши керак, деган хулосага келди" - деди вазир.
Байрактар, шунингдек, Туркиядан Сурияга, хусусан, Алеппо ва Африн шаҳарларига электр энергияси етказиб бериш бошланганини маълум қилди.
"Биз бу таъминотни жанубга янада кенгайтиришимиз мумкин, бундан ташқари, дизель генераторлари учун ёқилғи етказиб беришимиз мумкин", деди вазир.
Аввалроқ Туркия энергетика вазирлиги раҳбари Суриянинг янги расмийлари билан биргаликда унинг электроенергетика саноатини ривожлантиришнинг бош режасини тайёрлаш режалари ҳақида маълум қилганди.
Жаҳон IQ рейтинги: энг ақлли инсонлар қайси давлатларда яшайди? Ўзбекистон нечанчи ўринда?
Яна бир йирик давлат БРИКС аъзосига айланди
Ўлимга ҳукм қилинган америкалик имкон қадар тезроқ қатл қилинишини сўради
