Байденинг президентликка қайта номзод бўлиш қарорини кеч қўйиши Харриснинг ғалабасини имконсиз қилди

АҚШнинг собиқ президенти Жо Байденнинг 2024 йил июль ойидаги дебатлардаги муваффақиятсизликдан сўнг иккинчи муддатга номзодини қўйиш ва пойгада қолишга уриниши Демократик партиянинг навбатдаги номзоди Камала Харриснинг ғалаба қозониш имкониятини йўққа чиқарди. Бу ҳақда Британиянинг The Guardian газетаси "Асл гуноҳ: президент Байденнинг таназзули, унинг яширилиши ва қайта сайланиш ҳақидаги ҳалокатли қарори" (Оригинал Син: President Biden’с Decline, Итс Cover-up, and His Disastrous Choice to Run Again) китобига таяниб хабар берди.

АҚШнинг 44-президенти (2009-2017) Барак Обаманинг собиқ маслаҳатчиси, унинг сайловолди кампаниясида Камала Харриснинг ёрдамчиси вазифасини бажарган Девид Плуфф китоб муаллифларига Харриснинг республикачи Доналд Трампга қарши курашда иштирок этиши Байденнинг курашдан кеч чиқиш қарори туфайли "даҳшатли туш" бўлганини айтди.

Газетанинг таъкидлашича, китобда Плуффга ҳомийлардан қўнғироқлар бўлиб, улар "қувватнинг пасайиши, когнитив қобилиятларнинг йўқолиши" ҳақида хавотир билдиришган.