Байден нутқида адашиб, ўзини “қора танли аёл” деб атади

АҚШ президенти Жо Байден радиога берган интервьюсида хато гапириб, ўзини қора танли аёл деб атади. Бу ҳақда Тhе New York Times хабар берди.

Радио бошловчилари билан суҳбат чоғида у “қора танли президент билан ишлаган биринчи қора танли аёл” эканлигидан фахрланишини айтган. Сиёсатчи Барак Обама маъмурияти даврида вице-президент сифатидаги фаолиятини назарда тутган.

Байден сайловолди ташвиқоти матбуот котиби Аммар Муса президентнинг нутқда адашишига жиддий эътибор қаратгани учун матбуотни танқид қилган. NYT’нинг таъкидлашича, Байденнинг мазкур интервьюси унинг АҚШ собиқ президенти Дональд Трамп билан муваффақиятсиз дебатидан кейин эълон қилинган.

4 июль куни президент демократ-губернаторлар билан учрашувда унга кўпроқ ухлаш ва камроқ ишлаш тавсия этилганини айтган. Президент 20:00 дан кейин расмий иш тадбирларидан қочишни режалаштирганига қарамай, губернаторларни пойгада қолишга ишонтирган.

Байденнинг айтишича, унинг Дональд Трамп билан бўлган дебатдаги муваффақиятсизлигига хорижий сафарлардан кейинги чарчоқ сабаб бўлган. Бироқ давлат раҳбарининг сайлов штаби дастлабки баҳсдаги омадсизликка тумов сабаб бўлганини айтган.