АҚШ президенти Жо Байден маъмурияти Украина Пентагондан янги ҳарбий таъминот олса ҳам жанг майдонидаги вазиятни ўзгартиришга қодирлигига ишончи комил эмас, деб ёзади Американинг Politico газетаси.
Онлайн нашр таъкидлаганидек, Байден маъмуриятининг баъзи вакиллари Қўшма Штатлар Украинага кўрсатадиган ҳарбий ёрдам етарли бўлишига "шубҳали". Журналистларнинг фикрича, сўнгги бир неча ой ичида жанговар ҳаракатлар динамикаси сезиларли даражада ўзгарган, рус қўшинлари устунликни сақлаб қолган.
Бундан ташқари, конгрессменлар Америка таъминоти Украинага “Россияни мағлуб этиш”га ёрдам бера оладими ёки умуман Россия армиясининг олға силжишини тўхтата оладими, деган хавотирда, деб ёзади нашр.