Байден 39 кишини афв этди

АҚШ президенти Жозеф Байден пайшанба куни 39 кишини амнистия қилди ва 1500 га яқин маҳкумнинг жазосини енгиллаштирди. Бу мамлакат президенти томонидан бир кун ичида чиқарилган энг кўп авф бўлди, деб хабар беради Синьхуа ахборот агентлиги.

“Бугун Президент Байден 1500 га яқин америкаликнинг жазосини ўзгартирганини эълон қилди – бу (бир кун ичида авф этиш бўйича) энг юқори кўрсаткич”, – деди Оқ уй.

1 500 га яқин шартли озодликдан маҳрум этилганлар жазосини COVID-19 пандемияси даврида камида бир йил уйида ўтаган.

“Шунингдек, у зўравонликсиз жиноятларда айбланган 39 кишини амнистия қилди”, – дейилади Оқ уй баёнотида.

Бу атама кўпинча гиёҳвандлик, фирибгарлик ёки ўғирлик билан боғлиқ жиноятларни англатади.

Associated Press агентлиги хабарига кўра, Оқ уй раҳбари аввалроқ жазони қисқартириш бўйича 122 та фармон чиқарган ва 21 кишига амнистия қўллаган.