Ўзбекистон Ташқи ишлар вазири Бахтиёр Саидов «Марказий Осиё – Кўрфаз араб давлатлари ҳамкорлик кенгаши» Стратегик мулоқоти ташқи ишлар вазирларининг иккинчи учрашувида иштирок этиш учун Тошкентга келган Қирғизистон Ташқи ишлар вазири Жеэнбек Кулубаев билан учрашди.
“Ҳеч шубҳасиз, икки томонлама алоқаларимиз барча йўналишларда мисли кўрилмаган даражада ривожланиб бормоқда. Бугунги кунда минтақавий яхши қўшничилик муносабатларини намоён этаётган Марказий Осиёнинг ҳар қачонгидан ҳам кўпроқ намуна бўлаётганини таъкидладик. Шунингдек, бўлажак олий даражадаги мулоқотларга тайёргарлик кўриш бўйича «Йўл харитаси»ни имзоладик”, деди Саидов.