Ташқи ишлар вазири Бахтиёр Саидов Исроилнинг Ўзбекистондаги элчиси Гидеон Лустиг билан учрашди. Учрашувда вазир элчига раввин Цви Коганнинг вафоти муносабати билан чуқур ҳамдардлик билдирди.
«Ўзбекистон халқи барча дин ва элат вакилларига азалдан дўстона муносабатда бўлиб келган. Биз миллатчиликнинг ҳеч қандай кўринишига тоқат қилмаганмиз ва бундан кейин ҳам тоқат қилмаймиз. Терроризм ва экстремизмнинг чегараси ва миллати йўқ», — дея қайд этди Бахтиёр Саидов.
Унинг сўзларига кўра, Ўзбекистон ҳукумати тергов жараёнларида БАА ва Исроил идоралари билан яқиндан ҳамкорлик қилмоқда.
Эслатиб ўтамиз, жорий йилнинг 22 ноябрь куни Дубай шаҳрида Молдова ва Исроил фуқаролигига эга бўлган раввин Цви Коган йўқолиб қолган ва якшанба куни ўлик ҳолида топилган эди. БАА ҳуқуқни муҳофаза қилувчи органлари мазкур жиноятга алоқадорликда гумонланиб, 3 нафар ўзбекистонлик қамоққа олинганини билдирган эди.
Исроил раҳбарияти ҳибсга олинишига биргина давлат тиш-тирноғи билан қарши чиқмоқда
Россия Британиянинг “Storm Shadow” ракетасини ҳам, АҚШда ишлаб чиқарилган HIMARS реактив ракетасини ҳам йўқ қилди
Россия "Орешник" учирилишидан 30 дақиқа олдин АҚШни огоҳлантирган
