"Барселона" Мадридда "Атлетико"ни енгди (видео)

«Барселона» Испания Ла Лигасининг 30-тури доирасида сафарда «Атлетико Мадрид»ни 2:1 ҳисобида мағлуб этди.

Учрашувнинг 39-дақиқасида Жулиано Симеоне ҳисобни очди. Орадан уч дақиқа ўтиб, Маркус Рэшфорд мувозанатни тиклади. Биринчи бўлим якунида эса Николас Гонсалес майдондан четлатилгач, мадридликлар бир киши кам бўлиб қолишди.

«Барселона»нинг ғалаба голини 87-дақиқада Роберт Левандовски киритди.

Шу тариқа, «Барселона» (76 очко) кетма-кет олтинчи ғалабасини қўлга киритди ва Ла Лигада пешқадамликни давом эттирмоқда. Каталонияликлар иккинчи ўриндаги «Реал»дан 7 очкога ўзиб кетишди.

«Атлетико» (57 очко) эса қаторасига иккинчи мағлубиятини қабул қилиб олди ва турнир жадвалида тўртинчи поғонада бормоқда.

Испания Ла Лигаси. 30-тур
05.04.2026 | 00:00
«Сивитас Метрополитано», Мадрид

«АТЛЕТИКО» — «БАРСЕЛОНА» — 1:2
Голлар: Жулиано Симеоне 39 (1:0), Маркус Рэшфорд 42 (1:1), Роберт Левандовски 87 (1:2).

«Атлетико»: Муссо, Гонсалес, Лангле (Тауфик Сейду, 68), Ле Норман, Молина, Альмада, Варгас, Коке (Руджери, 46), Симеоне (Серлот, 61), Баэна (Хименес, 61), Гризманн (Морсильо, 61).

«Барселона»: Х. Гарсия, Жоау Канселу, Мартин, Кубарси, Араухо (Берналь, 40; Кунде, 62), Педри, Э. Гарсия (Гави, 78), Рэшфорд (Левандовски, 79), Фермин Лопес (Торрес, 46), Ямаль, Ольмо.

Огоҳлантиришлар: Гонсалес (22), Коке (45), Молина (45), Муссо (50), Лангле (53), Тауфик Сейду (90) — Фермин Лопес (45), Мартин (46).

Четлатиш: Гонсалес 45 («Атлетико»).