"Барселона" клуби президенти Жоан Лапорта "Камп Ноу" стадиони янги кўринишга келганидан кейин унда собиқ ҳужумчи Лионел Месси шарафига ўйин ташкил этишга тайёрлигини маълум қилди, деб хабар берди Championat.com.
7 ноябрь куни "Барса" футболчилари янгиланган стадионда очиқ машғулот ўтказишди.
— Янгиланган "Камп Ноу"нинг очилиш ўйинида Мессини шарафлаш ажойиб иш бўларди. Трибуналар тўлиб кетарди. Лео шарафига ўйин ташкил қилиш мен учун катта хурсандчилик бўлади, — деди Лапорта, журналист Фабрицио Романонинг X ижтимоий тармоғидаги саҳифасида келтирилган сўзларига кўра.
"Барселона"нинг бош майдони 2023 йилдан бери реконструкция жараёнида эди. "Marca" нашрининг маълум қилишича, очиқ машғулотни 21 795 нафар мухлис томоша қилган.
«Реал» ёки «Барселона»: Холанд танлов қилди
Роналду Рунининг «Месси ундан яхши» деган сўзларига жавоб берди
Ламин Ямал нима учун севгилиси билан ажрашгани маълум бўлди
